Guvernatori i Bankës Qendrore të Kosovës, Fehmi Mehmeti, në një konferencë për media ka thënë së edhe përkundër pandemisë në vend, prapë është arritur ruajtja e stabilitetit financiar, raporton InLajmi.
Mehmeti është shprehur së viti që po lëmë pas mund të konsiderohet si i suksesshëm pasi që falë diasporës dhe politikave nga BQK, ekonomia e vendit ka pasur rritje prej 9.9%.
“Viti 2021 konsiderohet vit i sukseshëm për Kosovën, falë diasporës, politikat e qeverisë dhe rolit të BQK-së, ekonomia e Kosovës u rrit me 9.9%”,tha guvernatori i BQK-së, Fehmi Mehmeti.
Sipas tij rritje kanë shënuar rritje kanë shënuar edhe remitencat, që kanë arritur të shkojnë mbi 900 milionë euro në vitin 2021.
“Me gjithë vështirësitë, viti 2021 jam i lumtur si guvernator i BQK-së, që kemi arritur me sukses t’i arrijmë objektivat. Kemi arritur që ta sigurojmë një sistem financiar por njëkohësisht kemi qenë shtyllë kryesore e ekonomisë në vend”,ka thënë Mehmeti.
Tutje ai ka shtuar se duke u bazuar në të dhënat nga BQK, 265 milionë euro janë investuar nga investitorët e jashtëm, kryesisht në patundshmëri. /InLajmi/
