“Komiteti i Përbashkët i Britanisë për Vaksinimin dhe Imunizimin”, po shqyrton nëse do të prezantojë marrjen e dozës së 4-të të vaksinës kundër Covid-it, transmeton InLajmi.
Britania po shqyrton dhënien e vaksinave të 4-ta, për të bërë përpjekje për të ndaluar rritjen e rasteve të Omicron, pas drejtimit të Gjermanisë dhe Izraelit.
Pasi Izraeli dhe Gjermania kanë njoftuar një raund shtesë të përforcuesve për të shmangur rritjen e variantit Omicron.
Profesor Anthony Harnden, nënkryetar i JCVI, tha:
“Ne duhet të shohim më shumë të dhëna. Jemi në rrethana të ndryshme nga Izraeli dhe na duhet të shohim më shumë të dhëna për rënien e imunitetit dhe efektivitetin e vaksinës kundër shtrimit në spital”, shkruan Mail Online.
Një ekspert izraelit i shëndetit, i cili po ndan gjetjet me Mbretërinë e Bashkuar, tha se ata tashmë po shohin rënie të imunitetit nga vaksinimi i 3-të, duke nxitur krijimin dhe marrjen e dozës së 4-të të vaksinës.
Gjithashtu edhe Izraeli ka njoftuar se qytetarët mbi moshën 60 vjeç dhe ekipet mjekësore do të kualifikoheshin për një vaksinë të 4-të kundër Covid./InLajmi/
