Anija kozmike Sojuz u fut në përdorim në vitin 1967, shkruan InLajmi.
Qysh atëherë, ajo është modifikuar dhe përtërirë disa herë. Një version i përmirësuar i quajtur Sojuz TM, u krijua në vitin 1968 për të transportuar ekuipazhet në stacionin kozmik Mir.
Sojuz Tm shërben për të plotësuar kërkesat e Stacionit Ndërkombëtar të Hapësirës. Shumica e anijeve kozmike Sojuz transportojnë një ekuipazh prej 2 ose 3 kozmonautësh.
Një version pa njerëz i quajtur Progress, përdoret si anije ngarkese për të çuar ushqime, ujë dhe karburant në Stacionet e hapësirës.
Një anije kozmike Sojuz përbëhet prej 3 modulesh. Kur anija kozmike është në hapësirë, ekuipazhi punon dhe fle në modulin orbital.
Kjo anije ka një mekanizëm për t’u bashkuar me stacionet hapësinore.
Moduli i zbritjes është e vetmja pjesë e anijes Sojuz që rikthehet në Tokë. Së fundi moduli i shtytjes dhe instrumenteve përmban motorët kryesorë të anijes kozmike.
Në këtë anije çdo astronautë shtrihet në një ndenjëse të modeluar sipas formës së trupit të tij. /InLajmi/
