Këngëtari dhe tekstshkruesi anglez Ed Sheeran ka zbuluar se turneu i tij “The Mathematics Tour”, do jetë i fundit në vitin 2022, krejt kjo pasi ai ka thënë se planifikon të kalojë më shumë kohë me familjen, transmeton InLajmi.
Ed Sheeran ka zbuluar se planifikon të heqë dorë nga turnetë e mëdha në vitin 2022, në mënyrë që të kalojë më shumë kohë me gruan e tij Cherry Seaborn dhe vajzën e tyre Lyra, 16 muajshe.
“Do të urreja që marrëdhënia ime me fëmijën tim të vuante”ka thënë ai.
Në një intervistë të fundit, Ed u pyet se çfarë do t’i tregonte më të moshuarve dhe ai u shpreh se ishte thelbësore që të mos zgjidhej puna në vend të familjes.
Tutje ai tha: “Unë mendoj se jeta ka të bëjë me kalimin e gjërave tek brezi i ardhshëm dhe dua t’i kushtoj sa më shumë kohë fëmijëve të mi që të jetë e mundur”, shkruan Daily Mail.
Turneu i Matematikës fillon vitin e ardhshëm në Croke Park të Dublinit më 23 prill me Edin që do të performojë në të gjithë Evropën deri në shtator.
Ed dhe Cherry janë bashkë që nga viti 2015 dhe u martuan në vitin 2019 dhe kanë një vajzë. /InLajmi/
