Të paktën 14 persona kanë vdekur dhe dhjetëra mijëra janë zhvendosur, si pasojë e vërshimeve më të mëdha në Malajzi, për dekada.
3 ditë me shira të rrëmbyeshëm kanë rezultuar me vërshime të mëdha në 8 rajone.
Qeveria është përballur me kritika të ashpra për përgjigje të vonuar.
Shumë persona janë raportuar të zhdukur dhe janë duke u rritur shqetësimet se numri i viktimave mund të rritet dukshëm.
Deri të hënën, vlerësohet se 51.000 persona janë evakuuar nga shtëpitë e tyre.
Nëpër disa rajone, vërshime të tilla nuk janë parë prej vërshimeve masive të vitit 1971, transmeton Radio Evropa e Lirë.
Zyrtarët kanë thënë se mund të ketë shpërthime të reja të infektimeve me koronavirus, pasi mijëra persona janë mbledhur nëpër ambiente të përkohshme strehimi.
