Kryeministri i Shqipërisë, Edi Rama ka marrë pjesë sot në mbledhjen e radhës për “Ballkanin e Hapur”, ku edhe është duke u diskutuar për marrëveshjet mes 3 vendeve, raporton InLajmi.
3 vendet që pritet të nënshkruajnë këto marrëveshje përveç Shqipërisë janë edhe Serbia dhe Maqedonia e Veriut.
Të pranishëm janë presidenti i Serbisë Aleksandër Vuçiq dhe kryeministri i Maqedonisë së Veriut, Zoran Zaev.
Rama tha se “Ballkani i Hapur” është një nismë tërësisht përfshirëse dhe sigurisht kjo nismë sipas Ramës do të inkurajojë të tjerët në rajon, që të jenë pjesë e kësaj përpjekjeje, pasi kjo është ajo që kemi nevojë që të bëjmë më të mirën për njerëzit tanë.
Tutje Rama shton se “Ballkani i Hapur” dhe marrëveshjet që do të nënshkruhen përfaqësojnë një gur kilometrik të fushave të ndryshme të ekonomisë.
“Ballkani i hapur është një aspiratë aq sa është një nismë, është një hap përpara, që do ta përgatisë Ballkanin për tregun e përbashkët në BE”, tha ai.
Në fund Rama thotë se nënshkrimi i këtyre marrëveshjeve, të përgatitura me zell e gatishmëri, shërbejnë për të çuar një mesazh te njerëzit, te fermerët, tregtarët, importuesit, që janë duke punuar në këto hapësira të përbashkëta.
Sipas Ramës viti 2022 do të jetë një epokë e re për të gjithë. /InLajmi/
