Një tërmet me magnitudë 6.2 ka ndodhur së fundmi në brigjet e Kalifornisë Veriore, ndërsa tronditi një pjesë të gjerë të shtetit, transmeton InLajmi.
Tërmeti ndodhi afër Kepit Mendocino, gjegjësisht Qarkut Humboldt dhe u ndje deri në San Francisko dhe Chico, Kaliforni.
“Në fillim ishte i ngadalshëm, por më pas me të vërtetë filloi,” i thotë CNN Sherifi i Qarkut Humboldt William Honsal. “Ne nuk kemi pasur një tronditje të tillë që nga viti 2010“
Ndërkaq njoftohet se nuk ka pasur fjalë për lëndime apo dëme katastrofike. Janë gjetur disa dëmtime të vogla në ndërtesa.
Një tufë prej më shumë se 40 tërmetesh në 24 orë po shkaktojnë bujë në veriperëndim të SHBA-së.
Sistemi i paralajmërimit të hershëm të tërmeteve në Kaliforni funksionoi për ata që janë regjistruar për alarme në pajisjet e tyre celulare. Honsal tha se ai mori alarmin rreth 10-15 sekonda përpara se të ndjente dridhjen e tokës.
Zyra e Shërbimeve të Emergjencave të shtetit thotë se po monitoron në mënyrë aktive dhe po koordinohet ngushtë me partnerët lokalë në rajon për të mbrojtur komunitetet nga çdo ndikim apo tërmet dytësor“, shkruan CNN.
Qarku Humboldt është pak i populluar, me rreth 135,000 banorë të shpërndarë në rreth 4.000 milje katrorë. Zona është afër kufirit Kaliforni/Oregon, rreth 270 milje në veri të San Franciskos.
Ndryshe, pas tërmetit kryesor janë regjistruar edhe disa dridhje, por nuk pritet një cunami, sipas zyrës së sherifit. /InLajmi/
