Është arrestuar zëvendësdrejtori i gjimnazit “Hamdi Berisha” në Malishevë, gjatë ditës së djeshme, me arsyetimin se ka ngacmuar seksualisht një nxënëse në tualetet e shkollës, përcjell InLajmi.
Rastin për Gazetën InLajmi e ka konfirmuar zëdhënësi i Policisë për Rajonin e Gjakovës, Nysret Gjurkaj, ai ka thënë se rasti dyshohet të ketë ndodhur me datën 16 dhjetor 2021, ndërsa rasti në Polici është paraqitur nga babai i nxënëses me datën 20 dhjetor 2021.
“Në stacionin policor Malishevë me datë 20 dhjetor 2021 rreth orës 21:30 është paraqitur ankuesi dhe ka raportuar një rast te Sulmit Seksual qe kishte ndodhur ndaj vajzës se tij te mitur. Sipas ankuesit rasti kishte ndodhur me date 16 dhjetor 2021 në ambientet e Gjimnazit “Hamdi Berisha” në Malisheve, ku vajza e tij vijon mësimet si nxënëse e kësaj shkolle”, tha Gjurkaj.
Ngacmimi dyshohet te jetë bërë nga zëvendës drejtori i shkollës, dhe sipas babait të vajzës rasti ka ndodhur në objektin shkollor, kryesisht në njërën nga tualetet e shkollës, gjatë kohës kur nxënësja ishte brenda ne tualet dyshohet të ketë hyr i dyshuari dhe ta ketë ngacmuar.
“Ngacmimi seksual dyshohet te jete bere nga ana e personit i cili në këtë shkolle mban pozitën e zëvendësdrejtorit. Ngjarja sipas ankuesit kishte ndodhur në njërën prej banjove të kësaj shkolle kur viktima ishte brenda në tualet dhe aty kishte hyr edhe i dyshuari dhe e kishte ngacmuar seksualisht viktimën”, ka thënë ai.
I dyshuari është dërguar në mbajtje për 48 orë, ndërsa thuhet se është intervistuar i dyshuari dhe viktima, dhe së janë në fazën e grumbullimit të provave.
“Lidhur me këtë rast është intervistuar viktima dhe i dyshuari si dhe disa dëshmitarë. Hetimet janë ne fazën e grumbullimit te provave te tjera dhe për zhvillime të mëtejmë ju njoftojmë me raport shtese. Me vendim të prokurorit i dyshuari ndalet në mbajtje për 48 ore”, u shpreh Gjurkaj. /InLajmi/
