Kryeprokurori i Prokurorisë Themelore të Ferizajt, Shukri Jashari, ka thënë në një konferencë për media, se të gjitha villat e ndërtuara në mënyrë të kundërligjshme në Brezovicë do të sekuestrohen, pavarësisht se të kujt janë, përcjell InLajmi.
“Gjitha villat dhe objektet që janë ndërtu pa leje do të bëhet sekuestrimi i përkohshëm i tyre, vetëm duhet të vërtetohet se janë ndërtu në mënyrë të kundërligjshme, pavarësisht se të kujt janë ato villa”, tha Jashari për media.
Kursë prokurori i rastit Rasim Maloku ka thënë se ka dyshime se ish-kryetari i Shtërpcës ka përfituar mbi 1 milion euro, dhe se janë të ndërtuara në mënyre të kundërligjshme
“Dyshimet konsistojnë në vlera që kalojnë vlerat milionësh ish-Kryetari i Komunës së Shtërpcës dyshohet se ka marrë mbi 1 milionë euro, disa villa që janë përfitu si dhurata, vetura që janë dhënë si dhurata për lëshimin e lejeve, dyshohet se ka villa pa leje, por shumica e villave janë ndërtu në mënyrë të kundërligjshme”, ka thënë Maloku.
Tutje prokurori Maloku ka paralajmëruar se ky aksion nuk do të jetë i fundit. /InLajmi/
