Ish-diplomati kosovar, Ylber Hysa komentoi samitin e fundit në Tiranë të nismës Ballkani i Hapur si një në tentativë dikur në një që tani po merr formë dhe ka zëvendësuar procesin e Berlinit deri në një gatishmëri të Bashkimit Evropian të lodhur nga zgjerimi deri në një moment tjetër.
Hysa e shtjelloi se nga zhurma ditore e politikë bërjes ditore po humbin rëndësinë. Duhet shikuar në kontekst më të gjerë gjeopolitik. Kjo nëse në fillim ishte një nismë e tani po merr formë sipas ish diplomatit Hysa.
“Kjo që e pamë në Tiranë faktikisht është një lloj konturimi i një diçka që në fillim dukej se ishte një iniciative në tentativë”. Më tej Hysa shtoi se janë 2 momente gjeostrategjike që duhet theksuar sipas Hysës “është një moment amerikan, një global dhe strategjik, Shtetet e Bashkuara të Amerikës seriozisht po bëhen gati për një ballafaqim për ta me një interes shumë strategjik e kjo është Kina, dhe në këtë nguti e në këtë vis major që ata e konsiderojnë si super prioritet po nguten siç po shihet të bisedojnë edhe me rusët për një marrëveshje të sigurisë globale.”
Hysa theksoi se Shtetet e Bashkuara nuk dëshirojnë të kenë pengesa në ballafaqimin që i pret.
“Këto që po ndodhin nuk janë pahiri dhe në këtë moment amerikanët nuk duan të mbajnë dy shalqi nën sqetull duke u ballafaquar me Kinën dhe kjo nënkupton se në këtë përmbyllje të madhe të çështjeve të hapura hy dhe Ballkani. Ballkani nga amerikanët dëshiron të shihet një copësh, nuk dëshirojnë të kenë Serbinë jashtë një iniciative. Kjo para së gjithash është edhe një iniciativë që rajoni të mbetet një deri në një moment të ardhshëm kur Bashkimi Europian do të tregohej më i hapur për zgjerim, dhe pikërisht ky është momenti i dytë, ai europian. Kemi qartazi një Bashkim Europian të lodhur nga zgjerimi dhe ky proces ka ngecur siç e kemi parë me Maqedoninë. Në këtë lloj pritjeje kemi një ide zëvendësuese karshi asaj që quhet Procesi i Berlinit dhe varësisht nga secili kamp po tentohet të paraqitet si komplementar dhe jo kundërshtues i tij.”
Hysa në RTK Prime Time shtoi se edhe nga informacionet që ka personalisht Emisari Amerikan Gabriel Escobar qartazi po pozicionohet karshi idesë së Ballkanit të Hapur dhe shtoi se ka negociata serioze në rajon për bashkëngjitje në këtë nismë.
“Sapo jam kthyer nga vizitat që kam pasur në rajon dhe mund të them se në Podgoricë është marrë seriozisht shqyrtimi dhe duket se më shumë është e gatshme me një Po sesa një jo karshi kësaj iniciative” njoftoi Hysa që ka shërbyer si ambasador i Kosovës, si në Mal të Zi poashtu edhe në Maqedoninë e Veriut.
