Kryetari i Prishtinës, Përparim Rama, gjatë ditës ka vizituar rrugën “Muharrem Fejza”, rrugë kjo që kaherë ka pasur probleme, përcjell InLajmi.
Ai ka thënë se ky problem është i trashëguar e që kërkon trajtim serioz dhe zgjidhje të përhershme, derisa bëri me dije se së bashku me ekipin e tij po merren intensivisht në lidhje me këtë çështje.
Tutje Rama ka shtuar se ka vendosur të merr masa të përkohshme që t’ua lehtësoj qarkullimin banorëve gjatë periudhës së dimrit,.
Ndryshe kjo rrugë mbrëmë ka nisur të shtrohet zhavor.
Postimi i tij i plotë:
Kemi trashëguar një problem kompleks në rruga Muharrem Fejza, i cili kërkon trajtim serioz dhe zgjidhje të përhershme.
Ndërkohë që bashkë me ekipin tim po merremi intensivisht me këtë çështje.
Kam vendosur të marrim masa të përkohshme për t’ua lehtësuar sadopak banorëve qarkullimin gjatë këtyre ditëve të dimrit. Mbrëmë, ka nisur shtrimi me zhavorr i rrugës, në mënyrë që kalimi i këmbësorëve dhe lëvizja e veturave të jetë më e lehtë. /InLajmi/
