Organizata për Rritjen e Cilësisë në Arsim (ORCA) i ka dhuruar kopje 377 tituj të librave, në 503 kopje, Universitetit të Gjakovës, si iniciative për të krijuar bibliotekat e universiteteve publike në vend, raporton InLajmi.
Rektori i Universitetit të Gjakovës, Artan Nimani, ka thënë se universiteti i Gjakovës është institucion i hapur që i mirëpret iniciativat e tilla, dhe mundohen që studenteve t’u krijojnë kushte të përshtatshme në të njëjtën kohë të favorshme.
“Universiteti i Gjakovës është i hapur, është institucion që e mirëpret secilin prej iniciativave dhe mundohemi t’u krijojmë studentëve kushte të përshtatshme dhe të favorshme, me qëllim të shpërndarjes sa më të madhe dijes dhe të krijimit të hapësirave dhe këndeve të veçanta” ka thënë Nimani.
Dibran Hoxha, koordinator i aktiviteteve në ORCA, ka falënderuar studentet për vullnetin e treguar, në të njëjtën kohe dhe rektorin Nimani i cili ka lejuar të zhvillohet kjo hapësirë, sipas tij kjo nismë do nxisë frymën e leximit .
“Unë dua t’i falënderoj për vullnetin vetë studentët, si dhe rektorin Nimani që e ka lejuar një hapësirë të tillë. Kjo është një nismë qe do ta bëjmë për të nxitur frymën e leximit në mes të studentëve. Ky kënd i leximit shpresoj që ka me u shfrytëzu nga vetë studentët për të organizuar qoftë klube të leximit ose debate e diskutime”, tha Hoxha. /InLajmi/
