Kryeministri i Shqipërisë, Edi Rama, ka njoftuar se është miratuar statuti i veçantë “Fëmijë në përkujdesje të Republikës”, e cila ka për qëllim mbrojtjen e fëmijëve jetimë, përcjell InLajmi.
Rama shprehet se ndihet i lumtur se në prag të festave do t’i përcjellim disa zhvillime dhe ndryshime, si duke u nisur nga janari të gjitha nënat me fëmijët e tyre në skemën e ndihmës ekonomike do të përfitojnë dyfishin e ndihmës. Nga kjo do të përfitojnë edhe vajzat e trafikuara e të dhunuara si dhe ato me aftësi të kufizuara si dhe jetimët që janë së skemën e ndihmës ekonomike.
“Nëpërmjet këtij ligji, shteti merr në mbrojtje dhe përkujdesje të veçantë fëmijët jetimë të prindërve që kanë humbur jetën në krye të detyrës”, shkruan ai.
Kjo nismë sipas Ramës reflekton një vizion që mishëron një ambicie dhe që faktikisht materializon një qasje të vazhdueshme të kësaj shumice qeverisëse në raport me ata që ndjehen më të dobët.
Postimi i plotë i tij:
Sot në Kuvend – Miratimi i statusit të veçantë “Fëmijë në përkujdesje të Republikës”
*nëpërmjet këtij ligji, shteti merr në mbrojtje dhe përkujdesje të veçantë fëmijët jetimë të prindërve që kanë humbur jetën në krye të detyrës. /InLajmi/
