Kryeministri i Kosovës, Albin Kurti ka marrë pjesë në konferencën “Lansimi i Agjendës për Barazi Gjinore në Policinë e Kosovës”, të cilën e kanë aprovuar në maj të vitit të kaluar, raporton InLajmi.
Sipas Kurtit, Policia e Kosovës po e dëshmon perkushtimin dhe qasjen proaktive për ta përshpejtuar integrimin gjinor, duke përfshirë më shumë gra në radhët e veta dhe duke rritur cilesinë e shërbimit.
Ai shton se rritja e pjesemarrjes së grave në sektorin e sigurisë, ka këtë synim kryesisht shërbime të shpejta e të sigurta për qyterarët përmes qasjes cilësore gjithëpërfshirëse.
Tutje Kurti thekson se rritja e barazisë gjinore brenda dhe përmes policisë, s’ka të bëjë thjesht me rritjen e numrit të grave në pozita policore por edhe me mbrotjen e të drejtave te njeriut.
“Integrimi i perspektivës gjinore në shërbimet policore është detyrim ligjor, ndërkombëtarë dhe vendor, meqë është i domosdoshëm për të arritur policim më efikas dhe sundim më të fortë të ligjitdhe shoqëri më të sigurtë”, tha ai.
Sipas Kurtit Policia ka obligime madhore dhe ligjore por duhet të ketë edhe ndjeshmëri të lartë etike dhe njerëzore ndaj vuajtjeve që i kalojnë shumë prej qytetarëve të Republikës së Kosovës.
Gjithashtu Kurti thekson se pjesëmarrja e grave në Policinë e Kosovës krijon besim më të madh ndaj institucionit të policisë ka rezultat dhe qasje të balancuar ku trajton dhe ofron ndihmë dhe mbron rastet dhe jo vetëm ato të dhunës ndaj grave dhe vajzave por pa dallim gjinije për të gjithë qytetarët që kërkojnë mbrojtje. /InLajmi/
