Shoqata e Gastronomëve të Kosovës ka kërkuar nga të gjithë gastronomët, që të respektohen masat kundër Covid-19, përcjell InLajmi.
Tutje ata thonë se është edhe si përgjegjësi e secilit prej nesh dhe e sektorit të gastronomsië, që të bëjnë respektimin strikt dhe permanent të masave kundër Covid-19.
“Të ndalojmë rreptësisht hyrjen në lokal të klientëve të pavaksinuar;
Të sigurohet respektimi i udhëzuesve të Ministrisë së Shëndetësisë
Të respektohet orari i lejuar i punës”, shkruajnë ata.
Respektimi i masave ndaj Covid-19 sipas tyre është si një parakusht që lidhet me funksionimin e gastronomisë dhe daljen më të lehtë nga kriza ekonomike.
Postimi i plotë i Shoqatës së Gastronomëve:
Të dashur gastronomë,
Pas protestës që mbajtëm dhe pas një sërë takimesh me akterë relevent në çështjen e menaxhimit të pandemisë Covid-19, si përgjegjësi e secilit nga ne dhe e jona ndaj sektorit të gastronomisë, edhe njëherë kërkojmë nga të gjithë gastronomët respektimin strikt dhe permanent të masave kundër Covid-19.
Ne si Shoqatë e Gastronomëve të Kosovës përfaqësojmë vetëm ato biznese të cilat respektojnë Masat dhe Vendimet e Qeverisë, por natyrisht përgjigjemi për të gjithë sektorin.
Duke e ditur rëndësinë e respektimit të masave së pari në mbrojtjen e shëndetit publik, është evidente që ajo luan një rol jashtëzakonisht të madh edhe në kujdesin ndaj shëndetit ekonomik.
Pra:
Të ndalojmë rreptësisht hyrjen në lokal të klientëve të pavaksinuar;
Të sigurohet respektimi i udhëzuesve të Ministrisë së Shëndetësisë;
Të respektohet orari i lejuar i punës.
Me qëllim që të mundësohet lehtësimi i masave dhe dalja më e lehtë nga kriza ekonomike, kërkojmë respektimin e tyre, si parakusht të vetëm që lidhet me funksionimin e nevojshëm të gastronomisë. /InLajmi/
