Federata Sindikale e Shëndetësisë nuk do të hyjë në grevë, ashtu siç ka paralajmëruar.
Lajmin e ka konfirmuar kryetari i FSSHK-së, Blerim Syla.
Ai në emisionin “Politiko” në Kanal 10, ka theksuar se këtë vendim e ka marrë për shkak të rasteve të shumta me grip sezonal.
”Grevën nuk do ta zhvillojmë. Jo për shkak të Qeverisë, por për shkak se janë mijëra raste me grip sezonal”, tha ai.
Syla ka theksuar se Qeveria i ka “kontrabanduar” nënshkrimet për thirrjen e një seance, për votimin e buxhetit para datës 22 dhjetor, përcjell Reporteri.net.
Ai tha se për dallim nga Qeveria që nuk po u shërben qytetarëve, ne jemi në shërbim të qytetarëve.
