Zëvendësministri i Infrastrukturës, Hysen Durmishi, ka bërë të ditur se kompania RAD. D.O.O, e cila thuhet se është futur në listën e zezë të thesarit të SHBA-së, nuk do të jetë më pjesë e konsorciumit në kontratën: ” Mirëmbajtja verore dhe dimërore 2021-2022 e rrugëve nacionale dhe rajonale”, përcjell InLajmi.
Durmishi tha se është nënshkruar amandamentimi i kontratës ku pjesë e konsorciumit mbeten kompanitë “B Corp” dhe “Europa Parters” të cilat së bashku i plotësojnë kriteret e dhënies.
Sipas tij pavarësisht këtij ndryshimi, do të vazhdojë mirëmbajta e rrugëve në veri.
Postimi i plotë i tij:
Nga sot kompania RAD. D.O.O, e cila është futur në listën e zezë të thesarit të SHBA-së, nuk do të jetë pjesë e konsorciumit në kontratën: ” Mirëmbajtja verore dhe dimërore 2021-2022 e rrugëve nacionale dhe rajonale”.
Sot është nënshkruar amandamentimi i kontratës ku pjesë e konsorciumit mbeten kompanitë “B Corp” dhe “Europa Parters” të cilat së bashku i plotësojnë kriteret e dhënies.
Edhe do ta bëjmë mirëmbajtjen e rrugëve në veri edhe kompaninë në fjal e kemi hequr nga kontrata./InLajmi/
