Këngëtari i njohur kosovar, Labinot Tahiri, ka bërë të ditur se është takuar me disa donator ku falë tyre pritet të realizohet projekti për “Spitalin e Leukemisë”, përcjell InLajmi.
Tahiri ka thënë se lajmin po e bënë të ditur para orës 12 me arsyen se pas mesnatës është ditëlindja e tij, e qe sipas tij ky projekt është më i vlefshëm së ditëlindja e tij.
Tutje ai ka falënderuar donatorët që e kanë dëgjuar e po pritët të realizojnë dëshirën e tij që ai e cilëson si me të madhën.
Postimi i plotë i tij:
Seshpejti do të behet realitet..
Siptali adekuat për Leukemi.
Të dashur njerëz, këtu në foto kam dalur duke kënduar edhe me fytyrë, e lëre më zërin që më del nga shpirti,
Por, kështu siç e bëjë këndimin me zemër, njëlloj, me zemër dua vetëm një lajm me u’a thënë ; se për BESËN E ZOTIT, sot, jam takuar me disa njerëz, që do të kemi donacione për t’a shikuar dhe realizuar projektin për “Spitalin e Leukemisë”,
Po e them këtë para se ora të shënoj 12:00 të natës, pasiqë sonte e kam ditëlindjen, dhe ky megaprojekt, për mua është më i madh se ditëlindja ime,
Dhashtë Zoti e u bëftë më e mira për vendin dhe popullin tim të dashur!
Përzemërisht e sinqerisht, falemnderit, për ata persona të nderuar, që e kanë dëgjuar e analizuar dëshirën time lidhur me këtë Spital, dhe sot më ftuan në takim drejtë realizimit të hapave të duhur e të nevojshme për këtë mrekulli të domosdoshme,
Vetëm një t’a dini, se po u krijuan mundësitë, nuk do të ketë njeri, grup, arsye as rrethanë që mund t’a ndalë këtë plan sepse këtë e meritojnë të gjithë femijet e Kosovës sonë atehere kur ata kanë nevojë për shërim.
Me shumë dashuri për çdo fëmijë, sikurse për fëmijët e mi,
Labinot Tahiri, Kosovë e Shqipërisë. /InLajmi/
