Kryeministri i vendit, Albin Kurti, në seancën e Kuvendit të Kosovës, ka thënë se nuk ka nevojë për shtyrje të votimit për buxhetin 2022 deri me datën 22 dhjetor, raporton InLajmi.
Kjo pasi opozita e kundërshton votimin sot kur ishte paraparë të ndodhte më 22 dhjetor.
Kurti tha se s’ka nevojë të zgjatet për 5 ditë të tjera votimi i buxhetit për vitin 2022.
“Meqenëse të gjitha procedurat kanë përfunduar është e mundshme që të votohet me 17 dhjetor pa e pritur datën 22 dhjetor, kemi menduar që të mos zgjatemi edhe 5 ditë të tjera kur mund të mos zgjatemi për votim të Projektligjit të Buxhetit 2022”, tha ai.
Kurti ka ftuar deputetët ta mbështesin këtë afrim të datës për Projektligjin për Buxhetin 2022.
“Kjo mund të ishte e papërshtatshme nëse do të mungonit, por pasi të gjithë jeni këtu unë ju ftoj ta mbështesni këtë afrim të datës për Projektligjin për Buxhetin 2022”, tha Kurti./InLajmi/
