Deputetja e Partisë Demokratike të Kosovës, Ariana Musliu-Shoshi i është drejtuar kryeministrit të Kosovës, Albin Kurti, që sipas saj është ai i cili përfaqëson qytetaret e se duhet të reflektoj në buxhet, raporton InLajmi.
Veç tjerash deputetja Musliu-Shoshi ka shtruar 3 propozime, e që të gjitha këto nuk morën dritën jeshile nga masa, ajo i ka bërë thirrje Kurtit që pa marrë parasysh zonat elektorale të këtë mirëqenie për të gjithë qytetaret njësoj.
“Zotëri kryeministër, ashtu si i përfaqësoni të gjithë qytetarët e Republikës së Kosovës do të ishte mirë që mirëqenia e gjithë qytetarëve të reflektohet në këtë buxhet, pa marrë parasysh zonat elektorale” tha ajo.
Sipas saj kërkesat që ajo i ka adresuar në ato 3 amendamente janë kërkesa të drejtpërdrejta të qytetarëve, e që ato ishin:
Amendamenti i parë ka të bëjë me ndërtimin dhe ndriçimin e rrugës përgjatë lumit Klina, të komunë së Skenderajt. Ka një rëndësi të veçantë sa i përket rritjes së sigurisë, posaçërisht të fëmijëve.
Amendamenti i 2-të ka të bëjë me ndërtimin e infrastrukturës së furnizimit me ujë të pijshëm për fshatin Lybeniq të Pejës e cila konsiderohet si nevojë esenciale e jetës e fatkeqësisht në këtë fshat mungon.
Amendamenti i 3-të është për ndërtimin dhe ndriçimin e rrugës për në fshatin Klinë e mesme dhe e poshtme. /InLajmi/
