Ministrja e Drejtësisë, Albulena Haxhiu, ka vizituar ekspozitën “Njeri më i fortë se guri”, e gjithë kjo e organizuar për nder të viktimave të dhunës seksuale gjatë luftës nga forcat serbe, përcjell InLajmi.
Haxhiu ka thënë që iniciativa të tilla nxisin të prekim këto tema që nga e kaluara na thërrasin për përgjegjësi, hapin e parë të mbijetuarit duhet vëne në drejtim të drejtësisë e që për këtë duhet tejkaluar çdo frikë dhe hezitim.
Ajo u zotua që do angazhohet në tejkalimin e heshtjes dhe të thyhen tabut që janë krijuar rreth dhunës seksuale, në atë mënyrë që të gjithë të mbijetuarit e këtij krimi të mos vuajnë vetëm .
Postimi i plotë i saj:
Ekspozita ‘Njeri ish më i fortë se guri’ na e rikujton një plagë të thellë në shoqërinë tonë, jo vetëm pse dhunimi seksual gjatë luftës nga forcat serbe ishte krimi më i rëndë që përjetuam, por se heshtja dhe stigmatizimi me të cilën zgjodhëm që t’i trajtojmë të mbijetuarit e këtij krimi i bëmë ata ta përjetojnë për herë të dytë.
Iniciativa të tilla na nxisin të flasim për të kalurën dhe na thërrasin në përgjegjësi, prandaj suksesi më i madh i tyre është ky. Hapi i parë drejt drejtësisë është denoncimi dhe për këtë duhet të tejkalojmë çdo frikë e hezitim.
Që të gjithë duhet të angazhohemi si shoqëri që të tejkalojmë heshtjen dhe t’i thyejmë tabut e krijuara rreth dhunës seksuale në mënyrë që të mbijetuarit e këtyre krimeve të mos vazhdojnë të vuajnë të vetëm.
Është detyrë e jona si shoqëri jo vetëm të sjellim drejtësi, por edhe ta ndajmë dhimbjen dhe jo ta vazhdojmë dhunën ndaj të mbijetuarve duke ua bërë të pamundur atyre të shprehen lirshëm e të kërkojnë drejtësi. /InLajmi/
