Ambasada Amerikane në Prishtinë, e ka falënderuar shtetin e Kosovës për partneritetin dhe kujdesin për fluturimin e afganëve të cilët u nisën sot nga Kosova drejt SHBA-së, përcjell InLajmi.
Në mëngjesin e ditës se sotme janë nisur 79 afganë nga Kosova drejt shteteve të Bashkuara të Amerikës, dhe për këtë Ambasada Amerikane ka falënderuar shtetin e Kosovës dhe Ministrinë e Punëve të Brendshme.
Ata kanë falënderuar për mundësimin e këtij fluturimi, duke mos e harruar asnjëherë ndihmën që iu është bërë gjatë rrugës, në të njëjtën kohë kanë vlerësuar punën dhe partneritetin duke e quajtur të palodhshëm nga ana e Kosovës.
Postimi i plotë i Ambasadës së Amerikës:
Faleminderit edhe një herë Kosovë! Dhe për miqtë dhe kolegët tanë nga Ministria e Punëve të Brendshme, të cilët e bënë të mundur këtë fluturim dhe na kanë ndihmuar në çdo hap të rrugës, ne e vlerësojmë punën dhe partneritetin tuaj të palodhur. Faleminderit nga zemra! /InLajmi/
