Komisioni Qendror i Zgjedhjeve pritet të shpall sot rezultatet përfundimtare për kryetar të Komunës së Dragashit.
Kështu ka bërë të ditur zëdhënësi i KQZ-së, Valmir Elezi.
“Ju njoftoj se sot (e enjte, 16 dhjetor 2021, ora 10:00) Komisioni Qendror i Zgjedhjeve mban mbledhjen e radhës. Në rend dite është shpallja e rezultateve përfundimtare të raundit të 2 të Zgjedhjeve për Kryetar të Komunës së Dragashit”,tha Elezi.
Ndryshe, 2 ditë më parë ka përfunduar procesi i numërimit të votave të ardhura nga diaspora për Komunën e Dragashit.
Në bazë të dhënave nga QNR, kandidati i LDK-së Bexhet Xheladini prin me 470 vota ndaj kandidatit të PDK-së, Shaban Shabani, i cili ka marrë 173 vota, shkruan Telegrafin.
Pas numërimit të votave nga diaspora përmbyset rezultati preliminar të shpallur nga KQZ dhe nëse nuk do të ketë ankesa në PZAP, Bexhet Xheladini i LDK-së do të jetë kryetar i ri i Komunës së Dragashit.
