Zëvendësministri i Drejtësisë, Blerim Sallahu, ka thënë se Mbretëria e Danimarkës ka vlerësuar nivelin e lartë të sigurisë dhe infrastrukturën e burgjeve të Kosovës, prandaj, ka përzgjedhur Kosovën si palë të denjë nënshkruese për mbajtjen e 300 personave të dënuar që do të transferohen, përcjell InLajmi.
“Nga kjo marrëveshje ndërkombëtare Kosova për 10 vite përfiton 60 milion euro investime në energji të ripërtritshme dhe 150 milion euro për nevojat tjera që ka Republika e Kosovës. Kur ke Qeveri që lufton krimin dhe korrupsionin investimet nuk mungojnë”, tha ai përmes një njoftimi në rrjetet sociale.
Postimi i plotë i tij:
Mbretëria e Danimarkës ka vlerësuar nivelin e lartë të sigurisë dhe infrastrukturën e burgjeve të Kosovës, prandaj, ka përzgjedhur Kosovën si palë e denjë nënshkruese të kësaj marrëveshje.
Me këtë marrëveshje Mbretëria e Danimarkës do ta shfrytëzojë qendren korrektuese të Gjilanit për mbajtjen e 300 personave të dënuar që do të transferohen nga qendrat korrektuese të Mbretërisë së Danimarkës.
Nga kjo marrëveshje ndërkombëtare Kosova për 10 vite përifton 60 milion euro investime në energji të ripërtritshme dhe 150 milion euro për nevojat tjera që ka Republika e Kosovës.
Kur ke Qeveri që lufton krimin dhe korrupsionin investimet nuk mungojnë!/InLajmi/
