Kryeministri Albin Kurti i shoqëruar nga ministrja e Zhvillimit Ekonomik, Artane Rizvanolli kanë vizituar pak minuta më parë Termocentralin “Kosova B” dhe Termocentralin “Kosova A”, raporton Gazeta InLajmi.
Ai tha se është lajm i mirë që gjatë ditës janë rikthyer në punë të 2 blloqet.
“Mora vesh nga menaxhmenti që lopatat e turbinave, janë ato që janë dëmtuar, e kur kanë rënë poshtë e kanë dëmtuar kondensatorin. Sot kemi me funksionalizu Kosova B, e ku ka filluar edhe funksionalizimin e ngrohtores së qytetit. Shumë shpejt do të vjen një ekspert gjerman që do të vijë e ta sanojë këtë problem. Unë jam këtu me 2ministrat, sepse pa energji nuk ka ekonomi, e pa ekonomi nuk ka energji. Do ta keni përkrahjen ashtu siç po i qëndroni afër qytetarëve tanë”,tha Kurti.
Tutje Kurti tha se Serbia nuk është eksportuese.
“Nuk është Serbia eksportuese, ne jemi importues, dhe të gjitha vendet e rajonit janë eksportuese. Duke na rënë blloqet e me këto avari që janë probleme të mëdha, e kemi pasur hallin e devijimit, dhe jemi detyruar që të marrim rrymë më shumë sesa është menduar”,tha për fund Kurti.
