Kryetari i Komunës se Deçanit, Bashkim Ramosaj, ka bërë të ditur se në bashkëpunim me Qendrën Kulturore për fëmijë dhe Bashkinë e Shkodrës, po sjellin festivalin e VII- të tradicional mbarëkombëtar të këngës rinore dhe për fëmijë “Ardhmëria” 2021 në Deçan, përcjell InLajmi.
Ramosaj ka thënë se ky festival po mbahet për herë të parë në Kosovë që është i njohur si “Festivali mbarëkombëtar i Shkodrës- edicioni i 59- të”, përmes këtij festivali do nderohet figura e Kujtim Alijaj.
Ai iu ka bërë thirrje qytetarëve të bëhën pjesë e festivalit “Ardhmëria” qe do të mbahet më 18 dhjetor duke filluar nga ora 16:00 kryesisht në Pallatin e Kulturës në Deçan.
Postimi i plotë i tij:
Të dashur qytetarë,
Ju njoftoj se: Shoqata për art dhe kulturë “Kult-Ks”, në bashkëpunim me Qendrën Kulturore për fëmijë dhe Bashkinë e Shkodrës, sjell festivalin e VII- të tradicional mbarëkombëtar të këngës rinore dhe për fëmijë “Ardhmëria” 2021 në Deçan” edicion special! Kështu për herë të parë vjen në Kosovë festivali më i njohur në trojet tona “Festivali mbarëkombëtar i Shkodrës- edicioni i 59- të!
Festivali mbahet nën Patronatin e Komunës së Deçanit!
Përmes artit nderojmë figurën e mjeshtrit të madh Kujtim Alija!
Këngët më të spikatura të kompozitorëve dhe tekstshkruesve më të mirë shqiptar do të prezantohen në këtë eveniment të rëndësishëm kulturor.
Ju ftojmë të bëheni pjesë e festivalit “Ardhmëria” që mbahet më 18 dhjetor, në orën 16:00 në Pallatin e Kulturës në Deçan!
Ky eveniment do të transmetohet nga Radiotelevizioni i Kosovës dhe Televizioni shtetëror i Maqedonisë!
Hyrja për publikun është e lirë duke respektuar protokolet anti-Covid!
Ju mirëpresim! /InLajmi/
