Ministri kroat i Mbrojtjes, Mario Banoziq do të qëndrojë nesër në Kosovë për vizitë zyrtare, përcjell InLajmi.
Lajmi është bërë i ditur përmes një njoftimi për media nga Ministria e Mbrojtjes.
Ministri Banoziq do të pritet në mënyrë zyrtare nga Ministri i Mbrojtjes së Kosovës, Armend Mehaj.
Pas këtyre takimeve, do të bëhet nënshkrimi i Marrëveshjes së Mirëkuptimit në mes të Republikës së Kosovës dhe Republikës së Kroacisë.
Njoftimi i plotë:
Ministri i Mbrojtjes, Armend Mehaj, nesër, më 17 dhjetor, duke filluar nga ora 9:00, do të presë në vizitë zyrtare ministrin e Mbrojtjes së Republikës së Kroacisë, Mario Banoziq me delegacionin e tij.
Fillimisht, të 2 ministrat e mbrojtjes do të zhvillojnë takimin tête-à-tête, kurse më pas do të mbahet takimi në mes të delegacioneve të të 2-ja vendeve.
Pas këtyre takimeve, do të bëhet nënshkrimi i Marrëveshjes së Mirëkuptimit në mes të Republikës së Kosovës dhe Republikës së Kroacisë dhe pastaj do të ketë adresim për media./InLajmi/
