Kreu i PDK-së, Memli Krasniqi, ka qëndruar në komunën e Vushtrrisë, i cili ka uruar kryetarin e ri të kësaj komune, Ferit Idrizin, 10 ditë pasi mori zyrtarisht detyrën si kryetar, përcjell InLajmi.
Krasniqi ka thënë se Idrizi është zotuar se do t’i hapë mundësitë për qytetarët e Vushtrrisë, në veçanti për rininë dhe gratë.
‘’Kryetari Idrizi udhëhiqet nga parimi i meritokracisë dhe transparencës dhe është e do të jetë i pakompromis ndaj të keqes. Vendimi i tij për të emëruar në krye të Drejtorisë së Urbanizmit një profesioniste të fushës të propozuar nga arkitektët vushtrrias, siç edhe ka premtuar, është për t’u përshëndetur. Njejtë janë meritore edhe emërimet e tjera ne qeverinë komunale’’, shkruan tutje Krasniqi.
Postimi i plotë i tij:
10 ditë pasi mori zyrtarisht detyrën si kryetar i Komunës së Vushtrrisë, erdha për t’i uruar suksese në qeverisjen e kësaj komune kryetarit Ferit Idrizi, i cili është zotuar se do t’i hapë mundësitë për qytetarët e Vushtrrisë, në veçanti për rininë dhe gratë.
Kryetari Idrizi udhëhiqet nga parimi i meritokracisë dhe transparencës dhe është e do të jetë i pakompromis ndaj të keqes. Vendimi i tij për të emëruar në krye të Drejtorisë së Urbanizmit një profesioniste të fushës të propozuar nga arkitektët vushtrrias, siç edhe ka premtuar, është për t’u përshëndetur. Njejtë janë meritore edhe emërimet e tjera ne qeverinë komunale.
Partia Demokratike e Kosovës është rikthyer në Vushtrri për t’ia rikthyer dinjitetin këtij qyteti antik dhe perspektivën vushtrriasve, pa dallim, që do të mundësohet me qeverisjen e mirë të kryetarit Ferit Idrizi./InLajmi/
