Ministrja e Punëve të Jashtme, Donika Gërvalla, ka bërë të ditur se edhe pse me një ditë vonesë, do të fillojë vizitën e saj të parë në Luginën e Preshevës, përcjell InLajmi.
Gërvalla është shprehur shumë e privilegjuar për këtë vizitë në emër të Qeverisë së Kosovës, për thellim të bashkëpunimit.
‘’Së bashku me prof. Rexhep Gjergjin jemi nisur drejt Bujanocit, ku do të takohemi fillimisht me kryetarin e kësaj komune, Nagip Arifi. Takime do të zhvillojmë edhe me përfaqësues të tjerë institucional në këtë komunë, ka shkruar ajo.
Tutje Gërvalla tha se gjatë kësaj vizite në Preshevë, do të takohet edhe me kryetaren e komunës, Ardita Sinani.
Postimi i plotë i saj:
Me një ditë vonesë, pas pak do të filloj vizitën time të parë në Luginën e Preshevës.
Ndihem shumë e privilegjuar që në emër të Qeverisë së Republikës së Kosovës të vizitoj përfaqësuesit institucional dhe qytetarët e komunave në Luginë dhe të flas e të shoh nga afër se si mund të thellojmë bashkëpunimin tonë.
Së bashku me prof. Rexhep Gjergjin jemi nisur drejt Bujanocit, ku do të takohemi fillimisht me kryetarin e kësaj komune, Nagip Arifi. Takime do të zhvillojmë edhe me përfaqësues të tjerë institucional në këtë komunë.
Gjatë ditës do të qëndrojmë edhe në Preshevë, ku do të takohemi edhe me kryetaren e komunës, Ardita Sinani. Do të zhvillojmë takime me deputetë, përfaqësues të partive politike shqiptare dhe studentë./InLajmi/
