Zëvendëskryeministrja e Kosovës dhe ministrja e Punëve të Jashtme dhe Diasporës, Donika Gërvalla po zhvillon vizitë në Luginën e Preshevës, përcjell InLajmi.
Ajo e ka filluar vizitën në Bujanoc ku është takuar me kryetarin e kësaj komune, Nagip Arifin.
Kryetari i kësaj komune, Nagip Arifi ka shkruar se e ka njoftuar Gërvallën me gjendjen politike sociale e shoqërore si dhe pasivizimin e adresave të shqiptarëve që bënë shteti i Serbisë.
Postimi i plotë i tij:
Sot, kisha nderin që ta pres zëvendëskryministren njëkohësisht Ministren e Punëve të Jashtme të Republikës së Kosovës znj. Donika Gërvalla.
Ministren Gërvalla e njoftova me gjendjen politike, sociale e ekonomike të qytetarëve tanë, si dhe diskriminimin e vazhdueshëm nga Qeveria qendrore në arsim, zhvillim ekonomik, shëndetësi, me theks të veçantë pasivizimin e adresave të shqiptarëve, si dhe mos njohja e diplomave të fituara në Univerzitetet e Republikës së Kosovës.
U dakorduam që bashkëpunimi jonë të vazhdojë edhe në të ardhmen deri në gjetjen e zgjidhjes së problemeve./InLajmi/
