Policia e Kosovës ka bërë të ditur se, ka ndaluar një të dyshuar, pasi i njëjti kishte ngarkuar automjetin e tij me 332 pula, pa dokumenta përkatëse, përcjell InLajmi.
Sipas njoftimit të policisë, pulat i kishte blerë pa dokument për shitje nga një person tjetër.
Policia njofton gjithashtu se me vendim të prokurorit të 2 të dyshuarit janë liruar në procedurë të rregullt.
Ndërsa me udhëzim të inspektorit të AVUK-të shpezët i janë kthyer pronarit.
Njoftimi i plotë nga Policia e Kosovës:
“Fshati Ranilluk 15.12.2021 – NN. Është ndaluar i dyshuari mashkull kosovar, pasi që automjetin e tij kishte të ngarkuar 332 pula, pa dokumentacionin përkatës. Sipas të dyshuarit, pulat i kishte blerë pa dokument për shitje nga i dyshuari tjetër mashkull kosovar. Me vendim të prokurorit, të dyshuarit pas intervistimit janë liruar në procedurë të rregullt, ndërsa me udhëzim të inspektorit të AVUK-të shpezët i janë kthyer pronarit”, ka bërë të ditur policia në raportin 24 orësh./InLajmi/
