Kryetari i grupit të Partisë Socialiste në Shqipëri, Taulant Balla, ka takuar kryeministrin e Kosovës, Albin Kurtin, përcjell InLajmi.
Ai këtë e ka bërë me dije përmes një postimi në rrjetet sociale, derisa “Marrëveshjet e nënshkruara” mes 2 qeverive në “Mbledhjen e Elbasanit”, tha se i konsideron si një hap të madh në drejtim të lehtësimit të lëvizjes në të 2 anët e kufirit.
“Marrëveshjet e nënshkruara mes 2 qeverive në Mbledhjen e Elbasanit ishin një hap i madh në drejtim të lehtësimit të lëvizjes në dy anët e kufirit, njohjes së diplomave apo kontributeve të sigurimeve shoqërore dhe krijimit të hapësirave më të mëdha të bashkëpunimit ekonomik mes 2 shteteve tona. Do të forcojmë bashkëpunimin edhe në nivel të grupeve tona parlamentare”,ka shkruar ai.
Postimi i plotë i tij:
Prishtinë -Takim me Kryeministrin e Kosovës, Kryetarin e Vetëvendosjes Albin Kurti.
Marrëveshjet e nënshkruara mes 2 qeverive në Mbledhjen e Elbasanit ishin një hap i madh në drejtim të lehtësimit të lëvizjes në dy anët e kufirit, njohjes së diplomave apo kontributeve të sigurimeve shoqërore dhe krijimit të hapësirave më të mëdha të bashkëpunimit ekonomik mes 2 shteteve tona. Do të forcojmë bashkëpunimin edhe në nivel të grupeve tona parlamentare. /InLajmi/
