Deputetja e Lëvizjes Vetëvendosje, Fitore Pacolli ka reaguar pasi iu ripostua deklarata e që kishte dhënë një vit më parë për ndaljen e rrymës dhe ngrohjes ku kishte thënë se “S’na intereson ne a ka prishje”, përcjell InLajmi.
Pacolli, ka fajësuar ish-qeverisjen duke thënë se kanë keqpërdorur shtetin për 20 vjeçare, e së qeveria Kurti nuk ka mundësi ta rimëkëmb shtetin për 9-të muaj qeverisje.
Sipas saj për të mos arritur në këtë pikë do të duhej qe shteti të kishte rezerva, veç aq sa kanë disa individ ish-pushtetarë e bashkëpunëtorë të ish-pushtetarëve e ndryshe do ishin sot.
Postimi i plotë i saj:
20 vjet e kanë vjedh dhe e kanë mjelë këtë shtet e po lypin nga Qeveria Kurti për 9 muaj me e ngrit në këmbë.
Për mos me ardh në këtë ditë është dasht me punu me mish e me shpirt për këtë vend e jo me e vjedh e milionat e tyre me i mbajt offshore.
Të kishte pasur shteti ynë rezerva veç sa kanë disa individ (ish pushtetarë e bashkëpuntorë të ish-pushtetarëve) pasuri ndryshe do të ishim sot.
Ska rrymë, sepse e kanë shit dhe e kanë vjedh. Po të kishim punuar mirë e mbarë për 20 vjet sot Kosova do të ishte në gjendje të furnizonte shtetet e rajonit me rrymë e jo të mbetej vet pa të.
Ska rrymë, sepse ish pushtetarët dhe bashkëpunëtorët e tyre e kanë hangër deri në palcë këtë vend. /InLajmi/
