Presidentja e Republikës së Kosovës, Vjosa Osmani, ka pritur sot për vizitë zyrtare, presidentin e Republikës së Maqedonisë Veriore, Stevo Pendarovski, përcjell InLajmi.
Sipas saj kjo vizitë shënon datë të veçantë për raporte të shkëlqyeshme në mes të 2 shteteve dhe është dëshmi e përkushtimit të dyanshëm, kjo ishte vizita e pare nga ana e presidentit maqedonas në Kosovë.
Osmani tha së ndjehet mirë që shteti që ajo drejton ka përkrahës si Maqedonia e Veriut, vend ky i cili sipas saj ia kupton historinë e shtetit të Kosovës dhe i ka qëndruar pranë qe në fillim duke e mbështetur gjatë rrugëtimit.
Postimi i plotë i saj:
Sot pata kënaqësinë të mirëpres në një vizitë zyrtare, presidentin e Republikës së Maqedonisë Veriore, z. Stevo Pendarovski.
Kjo vizitë shënon një datë të veçantë në kuadër të raporteve tashmë të shkëlqyeshme në mes të dy vendeve tona, pasi që është vizita e parë në vendin tonë e një presidenti të Republikës së Maqedonisë së Veriut.
Realizimi i vizitës pak kohë pas mbledhjes së parë në mes të dy qeverive të mbajtur në Shkup, është dëshmi e një përkushtimi të dyanshëm për thellim dhe intensifikim të raporteve tona bilaterale.
Më vjen mirë që Kosova ka një fqinj përkrahës si Maqedonia e Veriut, një vend që e kupton mirë historinë e rajonit tonë, ka qënduar pranë nesh që në fillet e Republikës sonë, mbështet rrugëtimin tonë të shtetndërtimit dhe ndanë me ne vizionin dhe aspiratat për një të ardhme të përbashkët në familjen evropiane./InLajmi/
