Deputeti i Kuvendit të Kosovës, Bekim Haxhiu, ka reaguar pas deklaratës së kryeministrit të Kosovës, Albin Kurti, ku ky i fundit tha së po ngrohet me batanije, përcjell InLajmi.
Haxhiu ka shprehur shqetësim të madh për krizën energjetike sidomos për sezonin që po hyjmë tani ku nuk i dihet temperaturave, ku sipas tij Kurti u tall me qytetarët duke iu kërkuar ngrohje me batanije.
Ai ka thënë se asnjëherë nuk është pajtuar me Kurtin, por tha se u pajtua sot për herë të parë se kryeministri karrierën e tij politike e ka ndërtuar po ashtu nën “Batanije”,duke e cekur rastin e vitit 2014 në fshatin Binqe të Klinës, ku tha se pak kush e ka besuar e që sonte Kurti e dëshmoi në një konferencë për media.
Sipas tij Kurti po tallet me popullin duke i ofruar si zgjidhje ngrohjen me batanije, e qe në vend të talljes duhet të punoj ta zgjedh këtë problem qe po ballafaqohen qytetarët .
Postimi i plotë i tij:
Te nderuar qytetarë,
Shqetësimi im dhe i juaji se në këto ditë të ftohta dimri po hyjmë në një krizë energjetike është shumë i madh.
Në anën tjetër kryeministri i Kosovës del dhe tallet me popullin duke ju kërkuar të ngrohen me batanije.
Edhe pse kurrë s’jam pajtuar me rrenat e Albin Kurtit sonte pajtohem se ky njeri karrierën politike e ka ndërtuar nën “Batanije”.
Pra kur unë në vitin 2014 e kisha publikuar takimin e Albin Kurtin me agjentët serbë të BIA-s, në fshatin Binqe të Klinës, pak kush e besonte, sonte Albin Kurti e dëshmoi vet, në konferencë për media.
Batanija e Klinës në Binqe dhe Batanija e Albin Kurtit në shtëpinë e tij kanë të njëjtin mision: degradimin e Kosovës në të gjitha sferat e saj.
Ky kryeministër që premtonte zhvillim të IT-së e të ekonomisë, sot popullit ia ofron “batanijen”, si zgjidhje për ngrohje, në vend të energjisë.
Në vend të talljes me popullin punoni për ta zgjidhur problemin, në të kundërtën nuk rrijmë nën batanije duke dëgjuar “perlat” e juaja, por do tu dërgojmë në shtëpi e pastaj vertetë do të detyroheni ta mbuloni ftyrën e mashtrimit nën batanije./InLajmi/
