Në Skoci është përgatitur një suprizë e veçantë për fëmijët nga “Babadimri Santa”, transmeton InLajmi.
Falë “Shërbimit Skocez të Zjarrfikësve dhe Shpëtimit”, një vinç u përdor për të arritur dritaret në mënyrë që mos të hyjnë brenda, për shkak të gjendjes me koronavirus.
Santa duket se ka ndërruar “sajën e tij” me “një vinç”, për të vizituar fëmijët e sëmurë në spital dhe duke e bërë më speciale suprizën.
Të rinjtë në Spitalin e Fëmijëve “Royal Aberdeen” u emocionuan kur panë “një Santa fluturues”.
Hyrja në ambiente të brendshme është e ndaluar sipas rregullave të Covid-19 dhe bamirësitë duhet të kishin ide shpikëse për suprizën.
Rregullat e koronavirusit nuk ishin të mjaftueshme për të dobësuar buzëqeshjet për “një Santa Klaus të guximshëm”, i cili ishte i vendosur të vizitonte fëmijët e sëmurë në spital të paaftë për të festuar në shtëpi.
Pacientët e rinj në Spitalin e Fëmijëve” Royal Aberdeen” ishin të kënaqur kur panë “Babadimrin e Krishtlindjeve” duke fshirë me shpejtësi dritaret e tyre të dielën dhe duke përhapur gëzim festiv.
Kjo suprizë u drejtua nga bamirësia për fëmijë, Fondacioni Archie, i cili u bashkua me “Shërbimin Skocez të Zjarrfikësve dhe Shpëtimit” për 2 vite radhazi.
Përzierja në ambiente të brendshme nuk lejohej për shkak të pandemisë, kështu që i gjithë kontakti duhej të bëhej përmes një xhami, shkruan Mail Online.
Një imazh prekës tregoi një vajzë të re të lumtur dhe “Babadimrin e Krishtlindjeve” duke bashkuar duart në dritare. /InLajmi/
