Deputetja e Partisë Demokratike të Kosovës, Blerta Deliu-Kodra ka thënë së pushteti aktual po tenton të ndërhyjë në institucione të pavarura, përcjell InLajmi.
Sipas saj vendimi që është marrë nga Gjykata Kushtetuese ka quajtur fitore të demokracisë si dhe vendim i cili do të mbroj kushtetutshmërinë dhe ligjshmërinë.
Deliu tha së Këshilli i Pavarur Mbikëqyrës, është institucion i pavarur që ka për qëllim të mbroj nëpunësit civil dhe të drejtat e tyre, e që nga sot sipas saj nëpunësit dhe zyrtarët publikë janë më të sigurt për të mos u nënshtruar përballë çfarëdo lloj presioni.
Postimi i plotë i saj:
Gjykata Kushtetuese iu dha përgjigjien e duhur deputetëve të cilët me votën e tyre shkarkuan jashtëligjshëm pesë anëtarë të Këshillit të Pavarur Mbikqyrës për Shërbimin Civil, duke konstatuar se vendimi ishte kundër kushtetues.
Tendenca e pushtetit aktual që të ndërhyjë në institucione të pavarura është përpjekje që me brutalitet të cënohen institucione të pavarura, prandaj vendimi i sotëm i Gjykatës Kushtetuese është fitore e demokracisë dhe vendim në mbrojtje të kushtetutshmërisë dhe ligjshmërisë.
Këshilli i Pavarur Mbikëqyrës, është institucion i pavaruar që për mision ka mbrojtjen e nëpunësve civil dhe të drejtave të tyre. Nga sot nëpunësit dhe zyrtarët publikë janë më të sigurtë për të mos u nënshtruar përballë cfarëdo lloj presioni./InLajmi/
