Në orët e mesditës së datës 13 dhjetor 2021, policia në Vushtrri, ka arrestuar 2 persona të dyshuar për substancë të dyshuar narkotike, përcjell InLajmi.
Arrestimi i 2 të dyshuarve është realizuar në kohën kur zyrtarë policorë në rroba civile të angazhuar në planin operativ “Siguria në shkolla”, mbi dyshime të arsyeshme në rrugën “Ukshin Kovaqica” kanë ndaluar 2 të dyshuarit, me ç’ rast gjatë kontrollit të detajuar tek të dyshuarit janë gjetur dhe sekuestruar 2 qese të vogla substancë e dyshuar narkotike.
Në cilësi të të dyshuarve janë arrestuar A. J 20 vjeçar, dhe E. B 20 vjeçar, të 2 shtetas të Republikës së Kosovës.
Ndërsa pas procedurave intervistuese me urdhër të prokurorit të rastit 2 të dyshuarit janë liruar në procedurë të rregullt.
Ndaj të dyshuarve është iniciuar rast për veprën penale ‘Posedimi i paautorizuari i substancave narkotike’. Hetimet e mëtejme lidhur me rastin do t’i zhvilloj njësia përkatëse hetimore, ka njoftuar Policia./InLajmi/
