Operacioni i parë është realizuar, sot më 13.12.2021, rreth orës 15:00, përcjell InLajmi.
Pas pranimit të informatave të rëndësishme në rrugë operative se në teren është duke u kryer një transport i një sasie të dyshuar të substancës narkotike (drogë), njësitet e antidrogës në rajonin e Prishtinës me shpejtësi dhe profesionalizëm kanë zhvilluar një plan taktik me ç ‘rast në orët e pasdites në Magjistralen Prishtinë-Gjilan, afër fshatit Hajvali në asistencë edhe të njësive për reagim të shpejtë të Policisë në Prishtinë (NJRSH), është arrit të ndalohet një automjet, me targa vendore.
Gjatë operacionit të kontrollit në bagazhin e automjetit janë gjetur 3 çanta me gjithsej 9 paketime me substancë të dyshuar narkotike.
Pas verifikimit dhe matjeve nga policia ka rezultuar se substanca ishte e llojit marihuanë dhe peshonte 26.300 gr. apo 26.3 kilogram.
Droga është sekuestruar dhe bashkë me të si prova materiale janë konfiskuar automjeti dhe 2 celular.
Në koordinim me prokurorin kompetent, është iniciuar rasti dhe personi i dyshuar është derguar në mbajtje për 48 orë për proceduar të mëtejme ligjore
Operacioni i 2-të, po ashtu sot është realizuar në koordinim me stacionin policor në Klinë, rajoni i Pejës, ku gjatë verifikim dhe kontrollit të 2 personave, në një automjet janë gjetur dhe sekuestruar sasi e dyshuar e substancës narkotike.
Gjatë kontrollit më në detaje, drogë e llojit marihuanë ka rezultuar të jetë fshehur edhe nën plastikën e ventilimit mbi motor të automjetit ne peshë prej mbi 500 gram. Në këtë rast si dëshmi janë konfiskuar edhe një thikë, 2 pako rizlla dhe para të gatshme, përdërisa 2 personat e dyshuar janë arrestuar dhe pas intervistimit në prani të avokatit mbrojtës janë derguar në mbajtje për procedura të mëtejme.
Operacioni i tretë, i anti drogës së Policisë së Kosovës i koduar me emrin “ Trekëndëshi” sot ka vënë nën pranga 3 persona të dyshuar (dy shtetas kosovar dhe një shtetas shqiptar) dhe është realizuar në mbështetje të njësitit policor për reagim të shpejtë (NJRSH) në Gjilan dhe njësive tjera.
Ky operacion i suksesshëm policor ka rezultuar me konfiskimin e rreth 19 kilogramëve substancë të dyshuar narkotike, e cila është gjetur në automjetin e njërit nga të dyshuarit.
Si dëshmi janë sekuestruar, droga rreth 19 kg, 2 automjete dhe para kesh 958 euro dhe 2.700 lekë.
Hetimet lidhur me rastin janë duke vazhduar në koordinim me Prokurorin dhe gjykatën themelore në Gjilan, përderisa 3 të dyshuarve ju caktohet masa e ndalimit policor.
Policia e Kosovës po ndermerr veprime konkretet në parandalimin dhe luftimin e veprave penale në përgjithësi, në veçanti masa aktive ligjore po ndermerren ndaj të gjithë atyre personave të cilët janë të përfshirë në trafikim, shitje dhe abuzim me substanca narkotike. /InLajmi/
