Ish-kandidati për kryetar të Prizrenit, Zafir Berisha, i ka quajtur shqetësuese vendimet e fundit të Asamblesë së Republikës Sërpska në lidhje me Bosnjën e Hercegovinën, përcjell InLajmi.
Ai pohon se për zhvillimet në Bosnjë e Hercegovinë kanë pasur reagime shqetësuese edhe vendet e botës demokratike dhe mekanizmat të ndryshëm ndërkombëtarë andaj ai bën krahasimin me Kosovën, duke thënë se ne e kemi një kryeministër me ide bolshevike, që hallin më të madh e ka se si të kapën sindikatat.
Zhvillimet në BEH sipas Berishës janë një sinkronizim i plotë i veprimeve ruso-serbe në Ballkan dhe Ukrainës.
Ai shton se Rusia vazhdimisht ka qenë e interesuar për një Ballkan jostabil në mënyrë që ta përcjellë këtë jostabilitet edhe në Evropë.
“Serbia si një Krime ruse në Ballkan, ka rritur apetitet e saj edhe për një bazë ushtarake në BEH si “Sevastopoli” për fuquzimin e gjeostrategjisë politike, e cila nuk është në përputhje me politikat pro-perendimore të rajonit”, tha ai.
Postimi i plotë i tij pa ndërhyrje:
Zgjohuni nga gjumi sa nuk është vonë, mos u zgërdhini…
Vendimet e fundit të Asamblesë së Republikës Sërpska në BeH, besoj se është një alarm paralajmrues për zhvillime të nxehta në dimër të ftohtë!
Derisa për zhvillimet në BeH kemi reagime shqetësuese nga vendet e botës demokratike dhe mekanizmat të ndryshëm ndërkombëtar, në Kosovë kemi një kryeministër me ide bolshevike që hallin më të madhë e ka se si me i kapën sindikatat që po kërkojn mirqenje pēr ata që i përfaqësojn.
Nuk është ndonjë “zbulim epokal” nëse themi se zhvillimet në BeH janë një sinkronizim i plotë i veprimeve ruso-serbe në Ballkan dhe Ukrahinës.
Rusia si një vend jo demokratik, por me fuqi politike, ekonomike dhe ushtarake, në vazhdimësi ka qenë e interesuar që të ketë një Ballkan jo stabil për të krijuar pastaj, jostabilitet edhe nē Evropë.
Serbia si një Krime ruse nē Ballkan, ka rritur apetitet e saj edhe për një bazë ushtarake në BeH si “Sevastopoli” për fuquzimin e gjeostrategjisë politike, e cila nuk ēshtë në përputhje me politikat pro-perendimore të rajonit!!! /InLajmi/
