Projektligjin për Agjencinë e Kosovës për Akreditim (AKA) është miratuar dje në Qeveri dhe është proceduar tutje në Kuvend, përcjell InLajmi.
Këtë e ka bë me dije, e para e Ministrisë së Arsimit,Arbërie Nagavci, përmes një postimi në rrjetet sociale.
‘‘Edhe një premtim i realizuar. Prioriteti i 18 i Qeverisë së Republikës së Kosovës po jetësohet në praktikë. Projektligjin për Agjencinë e Kosovës për Akreditim (AKA) e miratuam në Qeveri dhe është proceduar tutje në Kuvend. Projektligji garanton pavarësinë institucionale dhe financiare të AKA-së në fushën e akreditimit dhe validimit të institucioneve të arsimit të lartë dhe programeve të tyre akademike”, ka shkruar Nagavci.
Ky projektligj është në harmoni të plotë me standardet dhe procedurat evropiane (ESG) dhe si i tillë garanton ngritjen e cilësisë në arsimin e lartë, nxitë shkëmbimet e studentëve dhe stafit akademik, ndikon në ndërkombëtarizimin e arsimit të lartë, transferin e teknologjisë dhe dijeve dhe krijon parakushte për ndërlidhjen e sistemit të arsimit me tregun e punës
Postimi i plotë i saj:
Edhe një premtim i realizuar. Prioriteti i 18 i Qeverisë së Republikës së Kosovës po jetësohet në praktikë.
Projektligjin për Agjencinë e Kosovës për Akreditim (AKA) e miratuam në Qeveri dhe është proceduar tutje në Kuvend.
Projektligji garanton pavarësinë institucionale dhe financiare të AKA-së në fushën e akreditimit dhe validimit të institucioneve të arsimit të lartë dhe programeve të tyre akademike.
Ky projektligj është në harmoni të plotë me standardet dhe procedurat evropiane (ESG) dhe si i tillë garanton ngritjen e cilësisë në arsimin e lartë, nxitë shkëmbimet e studentëve dhe stafit akademik, ndikon në ndërkombëtarizimin e arsimit të lartë, transferin e teknologjisë dhe dijeve, dhe krijon parakushte për ndërlidhjen e sistemit të arsimit me tregun e punës.
Me këtë vendim ne po shkojmë drejt finalizimit të plotësimit të të gjitha kritereve dhe rekomandimeve për kthimin e AKA-së në Asociacionin Evropian për Sigurimin e Cilësisë në Arsimin e Lartë (ENQA) dhe regjistrimin në Regjistrin Evropian për Rritje të Cilësisë në Arsimin e Lartë (EQAR).
Me këtë ligj ne po pamundësojmë poashtu çdo ndërhyrje politike, ndërhyrje këto që në të kaluarën e kanë goditur rëndë sistemin e arsimit në Kosovë. Me vendosmëri e përkushtim po punojmë për përmirësimin e cilësisë në arsim.
Falenderoj të gjithë kolegët që kanë punuar për këtë draft të projektligjit dhe pres që i njejti të miratohet edhe në Kuvend brenda afateve të parapara./InLajmi/
