Janë sekuestruar 1.5 ton kanabis 3 ditë me parë në Izmir të Turqisë, të cilët vinte nga Shqipëria, përcjell InLajmi.
Rreth kësaj ka reaguar Presidenti i Shqipërisë, Ilir Meta i cili ka thënë se ky lajm është shqetësues dhe tregues se hashashi ende prodhohet me ritme të larta në vend, ndërsa më tej i bën apel autoriteteve për të bërë një hetim të plotë dhe të thellë të këtij trafiku kriminal dhe të çojnë para drejtësisë autorët.
Meta gjithashtu ka thënë se rastet e tilla përbëjnë rekorde të zeza për vendin, andaj i ka bërë thirrje Qeverisë, institucioneve kompetente dhe të sigurisë në vend, që të tregojnë vullnetin e duhur politik, si dhe të forcojnë kapacitetet profesionale dhe bashkëveprimin në terren, për të parandaluar këto dukuri.0
Postimi i plotë i tij:
Me mjaft shqetësim kam përcjellë kapjen pranë Izmirit të një sasie rekord droge të nisur në rrugë detare nga Shqipëria.
1,5 ton drogë përbën një nga sasitë më të mëdhaja të trafikuar nga Shqipëria në Turqi në rrugë detare, çka tregon se prodhimi i hashashit, në këtë rast i llojit më të fundit skunk, dhe trafikimi i tij nga grupet e krimit të organizuar, vijon me ritme të larta në vend.
I bëj thirrje Qeverisë, institucioneve ligjzbatuese dhe të sigurisë në vend, që të tregojnë vullnetin e duhur politik, si dhe të forcojnë kapacitetet profesionale dhe bashkëveprimin në terren, për të parandaluar raste të tilla, që përbëjnë rekorde të zeza për vendin.
Gjithashtu, apeloj për hetimin e plotë dhe të thellë të këtij trafiku kriminal dhe sjelljen përpara drejtësisë të të gjithë atyre që qëndrojnë pas tij.
Po kështu, i bëj thirrje Kuvendit të rrisë rolin e tij në mbikëqyrjen e luftës kundër trafikut të drogave dhe krimit të organizuar. /InLajmi/
