Janë regjistruar 15 viktima nga koronavirusi, prej të cilëve 7 janë të periudhës nga 26 nëntori deri më 8 dhjetor.
Ndërkohë në 24-orët e fundit janë regjistruar 361 të infektuar, bazuar në testimin 4.982 mostrave.
Sipas të dhënave të Ministrisë së Shëndetësisë së Maqedonisë së Veriut, në Shkup janë regjistruar 6 të vdekur, nga 3 në Prilep dhe Manastir, 2 në Gostivar dhe 1 në Kumanovë.
Sa i përket të infektuarve, 166 persona janë nga Shkupi, ndërsa numër më të vogël ka në 27 qytete tjera.
Sipas të dhënave zyrtare, në 24 orët e fundit, 433 persona janë shëruar, përcjell AlsatM.
Nga rreth 218.000 persona të diagnostikuar me koronavirus që nga fillimi i pandemisë, jetën e kanë humbur 7.710 persona ndërsa raste aktive janë 5.620 persona.
