Këngëtarja e mirënjohur nga Kosova, Dua Lipa, pritet të sjellë në treg një koleksion veshjesh të quajtur “Flutur”.
Kompania PUMA, prodhuesi i 3 më i madh në botë për veshje sportive do të “flasë” shqip, falë Lipës e cila ka vendosur ta emërojë bashkëpunimin e saj në gjuhën mëmë.
Dua Lipa e lidh emërtimin “Flutur” të koleksionit me metamorfozën e saj të rritjes dhe ndryshimit të vazhdueshëm.
Modelet janë të frymëzuara nga stili urban i veshjeve të viteve ’90, shkruhet në faqen zyrtare të kompanisë, përcjell Euronews.
Printimi i një fluture sipër logos klasike PUMA do të shihet në çdo produkt të koleksionit që vjen në treg më 18 dhjetor.
