Përparim Rama, kryetari i Komunës së Prishtinës, dje mori detyrën zyrtarisht, derisa sot tha se pranimi i detyrës dhe betimi për të parin e Prishtinës ishte ditë e veçantë për të dhe për të gjithë banorët e Prishtinës, përcjell InLajmi.
“Zëri juaj, vullneti i mirë për të bërë ndryshime të mbara e afatgjata në Prishtinën tonë të zemrës nuk është më moto e fushatës, por zotim i imi dhe i ekipit tim. Në këtë seancë inauguruese të Kuvendit Komunal të Prishtinës, dhashë betimin si Kryetar i Komunës, i zgjedhur nga ju, besim i cili më jep përgjegjësi të jashtëzakonshme, por edhe nderin më të madh e më të përgjegjshëm të jetës sime”, ka shkruar në rrjetet sociale, Rama.
Tutje, tha se është koha t’i përvishemi punëve.
Postimi i plotë i tij:
Të dashur qytetarë të Prishtinës,
Pranimi i detyrës dhe betimi për të parin e Prishtinës ishte ditë e veçantë për mua dhe për të gjithë banorët e Prishtinës.
Zëri juaj, vullneti i mirë për të bërë ndryshime të mbara e afatgjata në Prishtinën tonë të zemrës nuk është më moto e fushatës, por zotim i imi dhe i ekipit tim.
Në këtë seancë inauguruese të Kuvendit Komunal të Prishtinës, dhashë betimin si Kryetar i Komunës, i zgjedhur nga ju, besim i cili më jep përgjegjësi të jashtëzakonshme, por edhe nderin më të madh e më të përgjegjshëm të jetës sime.
Tash është koha t’u përvishemi punëve!
Ju falemnderit të gjithëve për urimet e shumta që kam pranuar këto ditë.
Na priftë e mbara!/InLajmi/
