Ka filluar sot të administrohet doza e 3 e vaksinës anti-Covid në vendin tonë, shkruan InLajmi.
Faik Hoti, zëdhënës në Ministrinë e Shëndetësisë, për Gazetën InLajmi, ka treguar në detaje se kush mund të marrë dozën e 3 të vaksinës anti-Covid.
“Kush i kalon 6 muaj e tutje, pra që e ka marrë dozën e 2, po ashtu çdo person mbi moshën 18 vjeçe mund të marrë dozën përforcuese të vaksinës, pra dozën e 3”, tha Hoti për Gazetën InLajmi.
Tutje, Hoti tha se është zgjedhje e gjithsecilit për tu vaksinuar.
“Është zgjedhja e tij, por rekomandohet. Kjo për shkak se arrihet të fuqizohet imuniteti, pasi që me kalimin e kohës edhe nëse janë marrë të 2 dozat mund të pësojë rënie. Pra është shumë e thjeshtë, është zgjedhja e tij”,njoftoi tutje, Hoti.
Ai po ashtu foli edhe për 2 dozat e kaluara të vaksinës, ndërsa pati një apel për qytetarët.
“Për çdo dozë të vaksinës bëhet thirrje e kampanjë, por me rendësi është me marrë ai që se ka marrë asnjë dozë, të marrë të parën, ndërsa ata që kanë marrë të 2-ën, ta marrin përforcuesen. Po e ritheksoj se është me rëndësi, sidomos këta që e kanë marrë një, ta kompletojnë ta marrin edhe të 2-ën. Doza e 3 ka filluar sot dhe do të ketë edhe vaksina mjaft edhe mundësia me marrë është një procedurë shumë e thjeshtë”,tha Hoti./InLajmi/
