10 gola të realizuar nga sulmuesi i Ajax në Champions League
Sebastien Haller është shënuesi më i mirë i fazës së grupeve në këtë sezon të Champions League. Sulmuesi i Ajax realizoi 10 herë në 6 ndeshjet e deritanishme të këtij turneu.
Të fundit e shënoi në fitoren 4 – 2 ndaj Sporting Lisbon. Futbollisti i fundit i Ajax që u shpall golashënuesi më i mirë i fazës së grupeve ishte Jari Litmanen në sezonin 1995-1996 ku skuadra holandeze mbërriti deri në finale ku u mund nga Juventus, përcjell Klan Tv.
Pas Sebastien Haller është Robert Lewandowski që nuk ia doli të realizojë në fitoren 3 – 0 të Bayern ndaj Barcelona, duke mbetur në kuotën 9. Në kuotë të barabartë, nga 7, janë Mohamed Salah i Liverpool dhe Christopher Nkunku i Leipzig.
