Teleskopi i hapësirës Habll u ka dhënë astronomëve pamje të papërfytyrueshme të gjithësisë, shkruan InLajmi.
Disa nga shëmbëllimet më të bukura që ka pasur teleskopi tregojnë objekte të quajtura mjegullnaja planetare. Këto janë re të mëdha gazi e pluhuri të lëshuara nga yjet që vdesin.
Hablli ka fotografuar edhe galaktika që përplasen, rrëke lënde që lëviz me shpejtësi në hapësirë dhe disa nga galaktikat më të largëta që janë vrojtuar deri më sot.
Mjegullnaja vezë
Pluhuri lëshohet nga një yll i moshuar që ndodhet rreth 3.000 vjet dritë larg. Një vit dritë tregon largësinë që përshkon drita gjatë një viti dhe është baraz me 9.5 milionë km. Në foto janë shtuar ngjyra të rreme që tregojnë si reflektohet drita nga grimca të pluhurit. Të imëta si ato të tymit.
Supernova e lakut të mjellmës
Gazi rrjedh nga shpërthimi i një ylli, supernova, ndodhur 15.000 vjet më parë. Një supernova është më e ndritshme se një galaktikë e tërë.
Një lumzë yjesh të vjetra
Kjo lumzë yjesh, e njohur si NGC 6093 ose M80, është një nga grumbujt më të dendur në Rrugën e Qumështit, galaktikën tonë.
Cikli i jetës së yjeve
Mjegullnaja gjigante, NGC 3603, përmban yje të të gjitha moshave nga yjet më të reja në qendër deri tek supergjigantët e vjetër.
Lindja e një ylli
Galaktika-xhuxhe është një shtrat i ngrohtë i formimit të yjeve, që prodhon grumbuj yjesh të reja, të shkëlqyeshme blu.
Një takim galaktikash
Këto 2 galaktika rrotullohen rreth njëra-tjetres. Tërheqja më e fortë gravitacionale e galaktikës së madhe e ka shtrajtuar më të voglën, prej së cilës yjet dhe gazet largohen me rrëke 100.000 vite dritë të gjata.
Çerdhja e yjeve
Hablli ka fiksuar një zonë aktive në një krah të galaktikës, një rajon ku po formohen yje të reja.
Mjegullnaja “Syri i Maces”
Kjo mjegullnajë planetare 1.000 vjeçare paraqet shtresa, rrëke dhe lëmshe gazi rrethojnë njërin nga 2 yje që po vdesin. /InLajmi/
Burimi: E.Explore
