Kryetari i komunës së Klinës, Zenun Elezaj ka bërë të ditur se ka emëruar Marqe Selmanaj, nënkryetare të komunës, përcjell InLajmi.
Elezaj ka bërë të ditur se Selmanaj ka përfunduar studeimet për Gjuhë dhe Leërsi shqipe dhe po ashtu ka ndjekur edhe disa programe speciale për mësimdhënie, udhëheqje arsimore, certifikatë për drejtor nga Unioni Evropian dhe trajnime tjera nga organizata ndërkombëtare në lëminë e arsimit parauniversitar.
Kryetari i Klinës ka thënë se emërimi i grave, profesioniste e me vlera, në pozita udhëheqëse ka qenë një nga premtimet e tij të fushatës, të cilin premtim tha se do ta mbajnë.
Postimi i plotë i tij:
Sot kam emëruar nënkryetare të komunës znj. Marqe Selmanaj.
Marqja ka përfunduar studimet për Gjuhë dhe Letërsi shqipe në Universitetin e Prishtinës dhe po ashtu ka ndjekur edhe disa programe speciale për mësimdhënie, udhëheqje arsimore, certifikatë për drejtor nga Unioni Evropian dhe trajnime tjera nga organizata ndërkombëtare në lëminë e arsimit parauniversitar.
Ajo, po ashtu, ka përvojë̈ mbi 2 dekada në arsim, si mësimdhënëse dhe drejtoreshë në shkollë, ku ka treguar rezultate fantastike e është vlerësuar në mënyrën më të mirë për përfomancën e saj në udhëheqje.
Emërimi i grave, profesioniste e me vlera, në pozita udhëheqëse ka qenë një nga premtimet e mia të fushatës, të cilin do ta mbajmë.
Urime, Marqe!
Na priftë e mbara! /InLajmi/
