Është bërë pranim-dorëzimi i detyrës së Kryetarit të ri të Komunës së Istogut, Ilir Ferati nga kryetari i deritanishëm, Haki Rugova, përcjell InLajmi.
Ish-Kryetari Rugova, e uroi pasardhësin e tij Feratin për postin e kreut të komunës.
“Ju uroj punë të mbarë dhe shumë suksese në detyrën e re si kryetar i Komunës së Istogut. Çdo fillim është i vështirë mirëpo unë jam i sigurt që ju do të tejkaloni çdo pengesë”, tha nder të tjera ish kryetari Rugova.
Ndërkaq kryetari i ri i Komunës së Istogut Ilir Ferati falënderoi kryetarin Rugova për pritjen që i është bërë si mik i familjes dhe bashkëpunëtor i ngushtë i babait të tij.
“Dua të ju falënderoj edhe për punën e bërë deri më sot për qytetarët e Komunës së Istogut sepse fal punës suaj dhe angazhimit tuaj ne do ta kemi me të lehtë të qeverisim si dhe u shpreh se do të angazhohet fuqishëm për ndryshime pozitive në komunë”, ka thënë Ferati. /InLajmi/
